Ֆերնանդո Ալոնսոն ` Ֆորմուլա-1-ի աշխարհի կրկնակի չեմպիոնը, չի կիսում «Մերսեդեսի» մրցարշավորդ, աշխարհի հնգակի չեմպիոն Լյուիս Հեմիլթոնի կարծիքը, ըստ որի՝ մսի սպառումը մարդկանց մոտ պետք է սահմանափակել:
Հեմիլթոնը օրերս Instagram-ի իր էջում գրառում էր կատարել, որում մտահոգվել է գլոբալ խնդիրների մասին, հորդորելով մարդկանց հրաժարվել մսամթերքի օգտագործումից:
«Կարծում եմ, որ իմ սննդակարգի կամ դրա մասին գաղափարները ես իմ գլխում կպահեի։ Ես երբեք նման հայտարարություն չէի անի։ Չի կարելի մի օր գրել նման բան, իսկ հաջորդ օրը անել միանգամայն հակառակը: Բոլորս գիտենք, թե ինչ կենսակերպ կարող է վարել Լյուիսը»,- Ալոնսոյի խոսքերն է փոխանցում SoyMotor-ը։