Ռուսաստանի Դաշնության նախագահ Վլադիմիր Պուտինը պատմել է կորոնավիրուսի դեմ ռուսական պատվաստանյութի ընդունումից հետո դստեր ինքնազգացողության մասին։
Նա հայտնել է, որ իր դուստրը չի խորհրդակցել իր հետ պատվաստվելուց առաջ ու որոշումը ինքնուրույն է կայացրել։
«Փառք Աստծո, դուստրս շատ լավ է զգում իրեն», – ասել է Պուտինը:
ՌԴ նախագահի խոսքով՝ դստեր ջերմությունը ներարկումից հետո առաջին օրը եղել է 38,4 աստիճան, իսկ արդեն 2-րդ օրը իջել է մինչև մոտ 37 աստիճան, որից հետո արդեն նրա մոտ ջերմություն չի գրանցվել։
Պուտինը նշել է նաև, որ պատվաստանյութը կայուն իմունիտետ է ձևավորում, հակամարմինները արտադրվում են։