Իրաքի մայրաքաղաք Բաղդադում անվտանգության ուժերը կրակ են բացել ցուցարարների ուղղությամբ։ Հրաձգության զոհ է դարձել առնվազն յոթ մարդ։ Այս մասին հաղորդում է Reuters-ը:
Եվս մեկ մարդ սպանվել է Իրաքի մայրաքաղաքի կենտրոնում գիշերային ցույցերի ժամանակ:
Նարիսիա քաղաքում անվտանգության ուժերը զինամթերք և արցունքաբեր գազ են կիրառել ցուցարարներին ցրելու համար:
Ոստիկանությունում և առողջապահության նախարարությունում հայտնել են երեք զոհերի մասին, ևս մեկ մարդ զոհվել է գլխի հրազենային վնասվածքի պատճառով:
Բացի դրանից՝ բախումների հետևանքով հրազենային վիրավորում և վնասվածքներ է ստացել ավելի քան 50 մարդ:
Բողոքի ցույցերը նոր ուժով սկսվել են կիրակի։ ներկայումս ոստիկանությունը փորձում է հեռացնել ցուցարարներին ճանապարհից, որը տանում է դեպի երկրի Կենտրոնական բանկը:
Ինչպես նշում է լրատվականը, ցույցերի առաջին օրերից առ այսօր Իրաքում սպանվել է ավելի քան 330 մարդ: Դա երկրում ցույցերի ամենախոշոր ալիքն է 2003 թվականին Սադամ Հուսեյնի ռեժիմի տապալումից հետո:
ԽՈՐՀՈւՐԴ Է ՏՐՎՈւՄ ԿԱՐԴԱԼ
