Նախկինների ոճիրներն ու թալանը բնավ չեն արդարացնում իշխանություններին, քանզի Նիկոլ Փաշինյանն ինքը հարցազրույցում պնդեց, որ քաղաքական մակարդակից փոփոխություն չեն արել բանակում սպառազինության ու կադրերի հարցում: Իշխանությունները թույլ են տվել, որ այն փտած ու քրեականացված համակարգը, որ եղել է նախկինում, շարունակի գործել:
Նկատենք նաև, որ Փաշինյանը նշեց իրենց որոշակի պատրաստակամությունն այլ երկրներից նորագույն սպառազինություն ձեռք բերելու մասով և խանդի անվան տակ գոյություն ունեցող վախը, որ գալիս է դաշնակիցներից՝ ռուսներից, խոչըդոտել է քայլեր կատարել: Այսինքն՝ նրանք հավասարաչափ, մի բան էլ ավել կրում են պատասխանատվություն ու մեղավորություն, որ չեն իրականացրել համակարգային փոփոխություններ բանակում:
Նրանք կրում են պատասխանատվություն ու մեղավոր են, որ չեն փորձել օգտագործել աշխարհի ընձեռված բոլոր հնարավորություններն այլ զենքեր ու միջոցներ ներգրավելու բանակում, որպեսզի դիմակայությունը ամբողջական ու հուժկու լիներ: