Հայտնի է երեկ մի տղամարդու կողմից ճապոնական Կիոտո քաղաքում գտնվող անիմե ստուդիայի հրկիզման պատճառը: Այս մասին հայտնում է Корреспондент-ը:
Տղամարդն իր արարքը բացատրել է նրանով, որ ստուդիան իրենից գողացել է ստեղծագործության միտքը, խախտվել են իր հեղինակային իրավունքները:
«Ես այրել եմ ստուդիան, քանի որ նրանք գողացել են իմ ստեղծագործության միտքը»,- ասել է տղամարդը:
Այս պահին իրավապահները փորձում են պարզել դեպքի հանգամանքները:
Հիշեցնենք, որ ճապոնական Կիոտո քաղաքում անիմե ստուդիայում բռնկված հրդեհից զոհվել է 33 մարդ: Կան մի քանի տասնյակ տուժածներ:
