Մրցույթից հետո Չեսթնաթը, որը 2025 թվականին վերադարձել էր մրցահարթակ մեկ տարվա ընդմիջումից հետո, նշել է, որ Քոնի Այլենդում հուլիսի 4-ը նշելը և մրցելը իր համար առանձնահատուկ նշանակություն ունի։ Մրցույթում երկրորդ տեղը զբաղեցրել է Չիկագոյից Պատրիկ Բերտոլետին՝ 51 հոթ-դոգ արդյունքով։ Չեսթնաթը շարունակում է պահպանել աշխարհի ռեկորդը՝ 76 հոթ-դոգ, որը սահմանվել է 2021 թվականին։
Կանանց պայքարում Միկի Սուդոն հաղթել է 12-րդ անգամ՝ նվաճելով վարդագույն գոտին։ Նա 10 րոպեում կերել է 38 3/4 հոթ-դոգ։ Երկրորդ տեղում է Միշել Լեսկոն՝ 22 հոթ-դոգ արդյունքով։ Սուդոն իր հաղթանակը նվիրել է ԱՄՆ-ի հիմնադրման 250-ամյակին։
Չնայած շոգ եղանակին՝ հազարավոր հանդիսատեսներ հետևել են մրցույթին, որին մասնակցել են միջազգային և ամերիկացի մարզիկներ։ Մասնակիցների պաշտոնական կշռումը տեղի էր ունեցել ուրբաթ օրը՝ Նյու Յորքի Hudson Yards-ում։ Հաղթողները ստացել են 10,000 դոլար մրցանակային գումար։