Իսպանիայի Մադրիդի ինքնավար համայնքում հայտնաբերվել է կապիկի ջրծաղիկ վարակի կասկածելի ութ դեպք։ Այս մասին չորեքշաբթի հայտնել է El País թերթը։
Այս տեղեկատվության ի հայտ գալու ֆոնին Թագավորության առողջապահության նախարարությունը և տարածաշրջանային իշխանությունները բժշկական տագնապ են հայտարարել։ Մանրէաբանության ազգային կենտրոնը թեստավորել է հազվագյուտ հիվանդության մեջ կասկածվող անձանց։
Վերջին օրերին վարակի դեպքեր են հայտնաբերվել Մեծ Բրիտանիայում և Պորտուգալիայում։
Առողջապահության համաշխարհային կազմակերպությունը (ԱՀԿ) նշում է, որ այդ ջրծաղիկը հազվագյուտ վիրուսային հիվանդություն է, որը հանդիպում է հիմնականում կենտրոնական և արևմտյան Աֆրիկայի հեռավոր այն շրջաններում, որոնք գտնվում են արևադարձային խոնավ անտառների մոտ:
ԱՀԿ-ի տվյալներով՝ վիրուսը մարդկանց փոխանցվում է վայրի կենդանիներից, ինչպիսիք են կրծողները և պրիմատները, իսկ երկրորդային տարածումը մարդուց մարդ փոխանցման միջոցով սահմանափակ է: Սովորաբար, կապիկների բռնկման դեպքերի մահացության մակարդակը կազմում է 1% և 10%, ընդ որում, մահացությունների մեծ մասը տեղի է ունենում ավելի երիտասարդ տարիքային խմբերում, ասվում է կազմակերպության հաղորդագրությունում: