Վրաստանի կառավարությունն ավարտել է «Բորժոմի» հանքային ջրերի շշալցման գործարանի սեփականատեր ընկերության բաժնետոմսերի փոխանցման շուրջ բանակցությունները և դառնալու է ձեռնարկության համասեփականատեր։ Այդ մասին հայտնել է Վրաստանի վարչապետ Իրակլի Ղարիբաշվիլին։
«Մենք ավարտել ենք բանակցությունները «Բորժոմիի» բաժնետերերի հետ, և մեր պետությունը՝ Վրաստանի կառավարությունը կդառնա «Բորժոմի» գործարանի սեփականատեր խմբի բաժնետեր: Բաժնետոմսերը մեզ անվճար կփոխանցվեն: Դրանից հետո պետությունը կդառնա մեր, ինչպես ասում են, ազգային ժառանգության, հպարտության՝ «Բորժոմիի» համասեփականատերը»,- ասել է Ղարիբաշվիլին։
Նա նշել է, որ բաժնետոմսերի փոխանցման գործարքը լիովին համապատասխանում է միջազգային իրավունքին։
