ՀՀ վարչապետի պաշտոնակատար, «Քաղաքացիական պայմանագիր» կուսակցության վարչապետի թեկնածու Նիկոլ Փաշինյանն այսօր Սևանում քաղաքացիների առաջ ելույթ ունենալիս ասաց, որ կեղեքող էլիտան պետք է փոխարինվի առաջնորդող էլիտայով։
Փաշինյանը նշեց, որ վերջին 3 տարիների ամենամեծ խնդիրն այն է, որ իրենց չի հաջողվել ամբողջությամբ փոխարինել կեղեքող էլիտային, իսկ այս ընտրություններում իրենց խնդիրը այդ էլիտային առաջնորդող էլիտայով փոխարինելն է լինելու։
Նա ասաց, որ սրա համար ընտրություններում ոչ միայն պետք է հաղթել, այլ նաև պետք է իրականացնել մի նոր հեղափոխություն։
Ըստ Փաշինյանի՝ կեղեքող էլիտան իր երկարաժամկետ իշխանությունն ապահովել է առաջին հերթին ժողովրդին պատշաճ կրթությունից զրկելով։
