Ֆրանսահայերի խորհուրդը շնորհավորել է Փաշինյանին

Ֆրանսահայերի խորհուրդը հայտարարություն է տարածել, որով շնորհավորական ուղերձ է հղել ՀՀ վարչապետի պաշտոնակատար Նիկոլ Փաշինյանին։

Հայտարարության մեջ ասվում է, որ միջազգային դիտորները փաստել են՝ քվեարկությունը անցել է ժողովրդավար ու առողջ պայմաններում։

Ֆրանսահայերի խորհուրդը լիահույս է, որ կորոնավիրուսով ու պատերազմով հիշատակված 2020 թվականից և ընտրարշավով հիշատակված 2021 թվականի սկզբից հետո Հայաստանը կվերականգնի իր բնականոն կյանքը ու կկարողանա ազատության և ժողովրդավարության արժեքների վրա հիմնված քաղաքականությամբ ապահովել բարեկեցիկ ապագա։