Երևանի քաղաքապետարանի Facebook-ի պաշտոնական էջում տեսանյութ է հրապարակվել, որին կից գրված է․
«Երևանի Բաղրամյան 1 հասցեում՝ մայթին, տարիներ շարունակ շահագործվող կրպակն ապամոնտաժվում է:
Հարևանությամբ տնտեսական գործունեություն սկսող տնտեսվարողը քաղաքի այս հատվածը պատշաճ տեսքի բերելու նպատակով գնել է կրպակն ու ապամոնտաժում է այն: Կրպակից հետո կապամոնտաժվի նաև դեպի սրահ տանող ապակեպատ մուտքը, որն աղավաղում է ճարտարապետական արժեք ներկայացնող շենքի տեսքը: Կենտրոն վարչական շրջանի ղեկավար Ավետ Պողոսյանը, կարևորելով նախաձեռնությունը, վստահեցնում է՝ համայնքն ամեն կերպ աջակցելու է քաղաքի շահը գնահատող տնտեսվարողներին:
Ի դեպ, նախորդ տարի ապամոնտաժվել են նաև Բաղրամյան պողոտայի 1 և 2 հասցեներում գտնվող շենքերին փակցված գովազդային վահանակները»։
https://www.facebook.com/YerevanCityHall/posts/3225693317479776?__cft__[0]=AZVTpezjb1mqvr5T8FxCpks4BpnYQsv_GR8NPEUHYdrp3AJgZNCLzz6ugZ4O1p3Aky3OAKnRG9QqwAJrI2LjPxpCPFbIoUXTIYcalY6AJxPMS7KVuMVwKDHq4cA1lWfJ2bMvTSwGHCgjFJ4yAa2wrbxbJzgTSyJgS2ups-LJGkine2idtwvjQGKxl8qx9psrthU&__tn__=%2CO%2CP-R