World Press Photo կազմակերպությունը հրապարակել է 2019 թվականի լավագույն լուսանկարը: Դա լացող աղջնակի լուսանկարը, որն արվել է Մեքսիկայի և ԱՄՆ-ի սահմանին:
Լուսանկարիչ Ջոն Մուրի նկարում լացող աղջնակը՝ Յանելան Հոնդուրասից, պատկերված է այն պահին, երբ ԱՄՆ-ի սահմանապահ ծառայության աշխատակիցը խուզարկում է նրա մորը՝ Սանդրա Սանչեսին: Իր՝ Սանչեսի խոսքով, ինքը մեկ ամիս շարունակ անցել ամբողջ Կենտրոնական Ամերիկայով և Մեքսիկայով, նախքան կարողացել է հասնել ԱՄՆ, որտեղ ցանկացել է ապաստան խնդրել:
Արարողության ընթացքում հայտարարվել են տարբեր անվանակարգերի հաղթողներն ու մրցանակակիրները, հանձնվել են հուշապարգևներ:
«Տարվա պատմությունը» անվանակարգում հաղթանակ է տարել «Միգրանտների քարավան» նկարաշարը, որի հեղինակը հոլանդա-շվեդացի լուսանկարիչ Պիտեր Տեն Հոպենն է: Դրանցում նույնպես պատմվում է միգրանտների մասին, որոնք Կենտրոնական Ամերիկայից ուղևորվում են ԱՄՆ: Այս մասին հաղորդում է ՏԱՍՍ-ը:
«Ժամանակակից աշխարհի հիմնախնդիրները» անվանակարգում հաղթող է ճանաչվել ռուսաստանաբնակ Դիանա Մարկոսյանի աշխատանքը:
Մարկոսյանի լուսանկարը կոչվում է «Կուբանիտա»: Նկարում պատկերված է Պուրա անունով աղջկա 15-ամյա հոբելյանի տոնակատարությունը. աղջիկը 1950-ականների վարդագույն կաբրիոլետով շրջում է Կուբայի մայրաքաղաք Հավանայի փողոցներով` տեղացիներով շրջապատված:
Դիանա Մարկոսյանը պրոֆեսիոնալ լուսանկարչուհի է, Կոլումբիայի համալսարանի շրջանավարտ: 2014-ի հոկտեմբերին նա այցելել է Հայաստան, որտեղ ստեղծել է Հայոց ցեղասպանության ժամանակ փրկվածներին նվիրված ֆոտոշարք:
ԽՈՐՀՈւՐԴ Է ՏՐՎՈւՄ ԿԱՐԴԱԼ
