Հայաստանի առաջատար եռացատկորդ Լևոն Աղասյանը հաղթող է ճանաչվել Ստամբուլում կայացած աթլետիկայի Բալկանյան երկրների թվով 24-րդ փակ առաջնությունում:
Մեր մարզիկը 16.71մ արդյունքով գրավել է առաջին տեղը և արժանացել ոսկե մեդալի:
Նա երեք սանտիմետրով առաջ է անցել 2-րդ տեղը զբաղեցրած ադրբեջանցի Նազիմ Բաբաևից:
Լավագույն եռյակը եզրափակել է Թուրքիայի ներկայացուցիչ Ջան Օզիփեկը` 16,21 արդյունքով:
Նշենք, որ Լևոն Աղասյանը 4-րդ անգամ է հաղթող ճանաչվում այս մրցումներում:
Հաղորդում է armsport.am-ը։
