Լոնդոնը պատրաստվում է վերջին տարիների անվտանգային ամենամեծ գործողությանը՝ կապված Թոմի Ռոբինսոնի «Միավորենք Միացյալ Թագավորությունը» ակցիայի, պաղեստինամետ «Նակբա 78» երթի և Ֆուտբոլի Անգլիայի գավաթի եզրափակչի հետ: Լոնդոնի ոստիկանությունը կտեղակայի շուրջ 4000 ոստիկան՝ հնարավոր բախումները կանխելու համար: Մեծ Բրիտանիայի կառավարությունը հայտնել է, որ արգելել է 11 օտարերկրյա ծայրահեղ աջակողմյան գործիչների մուտքը երկիր՝ նշելով, որ նրանք ձգտում են հրահրել ատելություն և բռնություն։
Վարչապետ Քիր Սթարմերը խստորեն քննադատել է ցույցի կազմակերպիչներին՝ նրանց անվանելով «ատելություն և պառակտում սերմանողներ»։ Ի պատասխան՝ Ռոբինսոնը կառավարության քայլերը որակել է որպես բրիտանացի ժողովրդի դեմ ուղղված գործողություն։ Ոստիկանությունը կիրառելու է աննախադեպ միջոցներ, այդ թվում՝ դեմքի ճանաչման տեխնոլոգիա և անօդաչու թռչող սարքեր։ Իրավապահ մարմինները նախազգուշացրել են, որ ցանկացած օրինախախտում, ներառյալ ատելության խոսքը, կհանգեցնի անհապաղ ձերբակալությունների։