Տոկիոյում շարունակվող ամառային Օլիմպիական խաղերում ելույթները մեկնարկեցին հունահռոմեական ոճի ըմբիշները։
Այսօր մրցագորգ դուրս եկավ Հայաստանը ներկայացնող 60 կիլոգրամ քաշային Արմեն Մելիքյանը։
Նա 1/8-ում կարողացավ հաղթանակ տոնել 2019-ի աշխարհի բրոնզե մեդալակիր Ալի Ռեզա Նեջատիի նկատմամբ։
Մեկ քառորդում արդեն Մելիքյանը մրցեց ուկրաինացի Լենուր Տիմուրովի հետ ու ցավոք պարտվեց 4-8 հաշվով։
Նշենք, որ եթե Տիմուրովը դուրս գա եզրափակիչ, ապա Մելիքյանը հնարավորություն կստանա պայքարել բրոնզե մեդալի համար։
Նշենք նաև, որ ըմբշամարտիկներ Կարապետ Չալյանն ու Արթուր Ալեքսանյանը մրցագորգ դուրս կգան վաղը՝ օգոստոսի 2-ին։