Ինքնուրույն կարող եք իմունիտետը բարձրացնել նույնիսկ խմելով հասարակ ըմպելիք՝ կես բաժակ տաք ջուրում լուծել 1թ/գ մեղր և խմել առավոտյան դատարկ ստամոքսին:
Հաջորդ միջոցը. 1-2 կիտրոն լվանալ, մանր կտրատեկ կեղևով, հանել կորիզները և ավելացնել 1բաժակ բնական մեղր, խառնել փայտե գդալով: Կարելի է պահել սառնարանում և օգտագործել 1թ/գ օրական մինչև 5անգամ:
3 ճ/գ վարսակի փաթիլների վրա լցնել եռացրած ջուր, թողնել ուռչի: Վերցնել 1 խնձոր, 1ճ/գ սև սալորի չիր, 1ճ/գ ծիրանի չիր, 1ճ/գ հունական ընկույզ, այս բոլոր բաղադրիչները մանր կտրատել, կորիզները հեռացնելով կտրատել նաև կես կիտրոնը ու այս բոլոր կտրատված բաղադրիչները լցնել վարսակի փաթիլների վրա, խառնել և ավելացնել 1թ/գ մեղր: Ստացված խառնուրդը օգտագործել նախաճաշին կամ էլ օրական 3 անգամ:
Վերցնել տարբեր չրեր՝ թուզ, ծիրան, դեղձ, սև սալոր և չամիչ, միասին՝3 00գ, կամ որը ձեր քիմքին դուր է գալիս, 1բաժակ ընկույզ, որը ցանկանում եք, լավ կլինի՝ հունական, 2-3 կիտրոն և 1 բաժակ բնական մեղր: Բոլոր բաղադրիչները մսաղացով աղալ և խառնել մեղրի հետ: Այնուհետև սարքել փոքրիկ գնդեր ու թաթախել քունջութի սերմերի կամ կոկոսի քերուկի մեջ: Այն կլինի վիտամինացված «ճիշտ» կոնֆետներ: Դնել սառնարան և օգտագործել:
Որևիցե բաղադրիչից ալերգիա ունենալու դեպքում այս խառնուրդներն ու ըմպելիքները չօգտագործեք:
Եղեք առողջ