Whoscored-ը կազմել է Եվրոպա Լիգայի շաբաթվա խորհրդանշական հավաքականը։ Դրանում ընգրկվել է նաև հայազգի Հենրիխ Մխիթարյանը։
Պորտալը հայազգի կիսապաշտպանի խաղը գնահատել է 7,7 միավոր։
Խորհրդանշական հավաքականում «Ռոմայից» ընգրկվել են նաև Պեդրոն, Բրայան Քրիստանտեն և Էդին Ջեկոն։ Նշենք, որ Մխիթարյանը հռոմեական ակումբից ընդգրկվածների ցանկում ամենաբարձր միավորն է ստացել, իսկ առհասարակ բոլոր ընդգրկվածների ցանկում 4-րդն է։ Ամենաբարձր միավորը ստացել է «Մանչեսթեր Յունայթեդի» դարպասապահ Դավիդ Դե Խեան՝ 8,3 միավոր։ Վերջինս մի քանի անգամ հրաշքով փրկեց ՄՅՈւ-ին։
Հիշեցնենք, որ «Ռոման» երեկ սեփական հարկի տակ հաղթեց «Յունայթեդին» 3-2 հաշվով, բայց դուրս չեկավ Եվրոպա Լիգայի եզրափակիչ, քանի որ դիմակայության առաջին խաղում անգլիական ակումբը հաղթել էր 6-2 հաշվով։