Նոր ատոմակայանի կառուցման հարցում ԱՄՆ-ի հետ մտել ենք առարկայական փուլ, գնդակը նրանց դաշտում է:
Այս մասին «ՀՀ-Արևելյան գործընկերություն-ԵՄ գործընկերության մարտահրավերները և հնարավորություններ» խորագրով քննարկման ժամանակ հայտարարեց ԱԽ քարտուղար Արմեն Գրիգորյանը։
«Ուզում եմ ասել, որ մենք մտել ենք շատ առարկայական փուլ։ Այսինքն, ԱՄՆ-ի հետ քննարկում ենք իրավապայմանագրային դաշտը կարգավորելու հարցեր։ Առանց այդ դաշտը կարգավորելու մենք չենք կարող առաջ ընթանալ։ Այս պահին կարող եմ ասել՝ գնդակը Միացյալ Նահանգների դաշտում է։ Մենք ակնկալում ենք ԱՄՆ-ի ներհամակարգային պորցեդուրաները որ անցնեն և այնուհետև մենք կսկենք աշխատել»,- ասաց նա։
Գրիգորյանը նշեց, որ սրանք հարցեր են, որ երկարաժամկետ են լուծելու, շատ դեպքերում կարճաժամկետ լուծման հարցեր կան․ կարճաժեմկետի առումով էլ աշխատում են և հույս հայտնեց, որ կկարողանան առաջընթաց ունենալ։