Քաղաքականություն

Մենք չենք նվազեցնում պահվող անձանց վերադարձին ուղղված ջանքերը. Լավրով

Հայաստանի արտաքին գործերի նախարարի պաշտոնակատար Արա Այվազյանն ու Ռուսաստանի արտգործնախարար Սերգեյ Լավրովը համատեղ ասուլիսով են հանդես եկել Երևանում: Լավրովն իր խոսքում անդրադարձել է գերիների խնդրին, ինչպես նաև տրանսպորտային ենթակառուցվածքների ապաշրջափակման անհրաժեշտությանը:

«Մենք չենք նվազեցնում պահվող անձանց վերադարձին, մշակութային ու կրոնական ժառանգության պահպանությանն ուղղված ջանքերը: Տարածաշրջանում իրավիճակի կարգավորման համար կարևոր ներդրում է անում Հայաստանի, Ռուսաստանի և Ադրբեջանի փոխվարչապետների գլխավորությամբ եռակողմ աշխատանքային խումբը՝ տնտեսական կապերի, տրանսպորտային ենթակառուցվածքների ապաշրջափակման ուղղությամբ: Այդ աշխատանքի հաջողությունը որոշիչ նշանակություն կունենա ընդհանուր իրավիճակի կայունացման անհրաժեշտ պայմանների ստեղծման համար: Պահանջված է ԵԱՀԿ Մինսկի խմբի հետագա գործունեությունը՝ առաջին հերթին վստահության մթնոլորտի ստեղծման ուղղությամբ»,- ասել է Լավրովը:

ՎԵՐՋԻՆ ԼՈւՐԵՐ

ՎԵՐԵՎ