Այսօր Կառավարության նիստի ընթացքում ՀՀ վարչապետ Նիկոլ Փաշինյանը խոսեց նաև հանքարդյունաբերության ու Ամուլսարի մասին։
Նա նշեց, որ արդյունաբերության այդ ճյուղը էական դեր է խաղում Հայաստանի տնտեսության զարգացման համար։
Վարչապետի խոսքով՝ պետք է կայացնել որոշումներ ու ներդրումային որոշակի ծրագրերն ավելի ընդունելի դարձնել Հայաստանի և Հայաստանի հանրության համար։ Նա նշել է, որ այդպիսի որոշում պետք է կայացվի նաև Ամուլսարի ներդրումային ծրագրի շրջանակում։
Փաշինյանն ասաց նաև, որ պետք է հաշվի առնել Հայաստանի հավասարակշռված շահը։