Azat TV մեդիանախաձեռնության համահիմնադիր Նարեկ Այվազյանը գրառում է կատարել Facebook-ում, որում ասվում է.
«Լինելով ազատական՝ բաց սահմաններին ու ազատ շուկայական հարաբերություններին կողմ, գտնում եմ, որ Ադրբեջանի ու Նախիջևանի հետ ճանապարհների ապաշրջափակումը ՀՀ ազգային անվտանգության խնդիրներ է պարունակում: Եվ զուգահեռ հարց է առաջանում, թե ինչու՞ նաև Թուրքիան չի բացում իր սահմանները Հայաստանի հետ:
Խաղաղությունը՝ խաղաղություն, հաշտությունը՝ հաշտություն, բայց այն, ինչ Փաշինյանն անում է, ըստ իս, դա պարտադրանք է, այլ ոչ թե խաղաղության ու հաշտության ձեռքսեղմում, որը հակասում է մեր Սահմանադրությանը և անվտանգության դոկտրինին: Սա պարտադրանք է, միգուցե պուտինյան փուփուկ ուժի կիրառմամբ՝ ՀՀ ստանդարտները ՌԴ ստանդարտներին սինխրոնիզացնելու շնորհիվ: Չնայած՝ Փաշինյանն իր գրառման տողատակով ներկայացնում է, որ դա արվելու է գերիերի վերադարձի նպատակով:
Հետևաբար, առանց դավաճաններ ու վհուկներ փնտրելու, Փաշինյանը ճիշտ կանի, որ հեռանա, չնայած, որ նրա կողմից աստվածաշնչյան մեջբերումը խոսում է հակառակի մասին, քանի որ հիմա ենթադրում է՝ իր հեռանալուց հետո իշխանությունը կզավթեն ռուսահպատակ ու թուրքահպատակ ուժեր:
Իշխանությունները, ցավոք, տանուլ են տվել պատերազմը, նրանք, ցավոք, տանուլ են տալիս գերիների վերադարձի հարցը, նրանք, ցավոք, տանուլ են տալիս ՀՀ սահմանների պաշտպանության ու անվտանգության կազմակերպումը…
Հայաստանում պետք է տեղի ունենա քաղաքակիրթ ու օրինական իշխանափոխություն, թեկուզ հեղափոխության միջոցով: Բայց նոր իշխանությունները, ով էլ լինեն, չպետք է լինեն Պուտինով, Ալիևով, Էրդողանով կամ որևէ այլ տարածաշրջանային մակարդակի լիդերով կաշկանդված, որպեսզի մեր անվտանգությունը, պաշտպանությունը, տնտեսությունը և բոլոր ոլորտները գործեն անկախ, ինքնուրույն ու ազատ՝ օգտվելով ու կիրառելով համաշխարահային բոլոր հնարավորությունները:
Հ.Գ. Միջազգային կարգ ու կանոններն իմացողները շատ լավ հասկանում են, որ պատանդը, ռազմագերին ոչ թե խաղաքարտ է որևէ երկրի համար՝ հակառակորդից բան «պոկելու» նպատակով, այլև ծանր բեռ է ցանկացած ժամանակակից պետությնան համար:
Միայն ահաբեկիչներն են նրանցից ազատվում սպանությամբ, որը Ադրբեջանը ճնշելու տեղի կդառնա, եթե նման կերպ վարվեն: Հիմքեր կան ենթադրելու, որ մեր իշխանությունների ինքնուրույնության պակասը բերել է նրան, որ իրենց են ահաբեկում պատանդների կյանքով ու ստիպում, որ ամբողջ ազգի ապագան վտանգեն»:
https://www.facebook.com/NarekMasisAyvazyan/posts/5168630639815455