Ֆիլիպիններում օրերս պատուհասած Ագատոն փոթորիկը աղետալի հետևանքներ է ունեցել ու ունենում․ կան զոհեր, վիրավորներ, տուժածներ ու ավերածություններ։
Այս մասին հայտնում է երկրի Աղետների հետևանքների վերացման և ռիսկերի նվազեցման ազգային խորհուրդը։
Նշվում է, որ զոհերի թիվն արդեն հասել է 43-ի։ Տուժած է համարվում 8 մարդ, իսկ անհետ կորած՝ 7-ը։
Ըստ աղբյուրի՝ փոթորիկը հարված է հասցրել 26 նահանգի, արդյունքում՝ 42 հազար բնակիչ ստիպված է եղել լքել տունը։
Փոթորիկի հետևանքներ կան ավերածություններ, այդ թվում՝ կամուրջների ու ճանապարհների։
Այս պահի դրությամբ փոթորկի ուժգնությունը թուլացել է։
