«Յուվենտուսի» և Արգենտինայի ազգային հավաքականի հարձակվող Պաուլո Դիբալան խոսել է ռասիզմի մասին:
Ֆուտբոլիստը հայտնել է, որ ռասիզմը տեղ չունի ինչպես ֆուտբոլում, այնպես էլ կյանքում:
«Երբ քեզ պատկերացնում ես ռասիզմից տուժած մարդու դերում, հասկանում ես՝ ինչքան դժվար է նրանց համար»,-ասել է ֆուտբոլիստը:
Դիբալան հավելել է, որ ամբողջ աշխարհը պետք է պայքարի ռասիզմի դեմ:
«Այս պայքարը պետք է գնա ինչպես սպորտում, այնպես էլ կյանքում»:
Հիշեցնենք, որ ռասիզմի դեմ պայքարը նոր թափ հավաքեց ԱՄՆ-ի Մինեսոտա նահանգում աֆրոամերիկացի Ջորջ Ֆլոյդի սպանությունից հետո:
Այս մասին փոխանցում է CNN-ը: