Երեկ՝ օգոստոսի 3-ին, ՌԴ մայրաքաղաք Մոսկվայում մայրաքաղաքի քաղաքային դումայի ազատ ընտրությունների պահանջով չարտոնված բողոքի ակցիաներ են անցկացվել: Այս մասին հայտնում է Agence France-Presse-ը:
Աղբյուր փոխանցմամբ՝ ակցիայի մասնակիցների թիվը հասել է մի քանի հազարի, որոնցից մի քանի հարյուրին ոստիկանությունը բերման է ենթարկել:
Նշվում է, որ բերման ենթարկվածներից 311-ը ձերբակալվել են, որոնց թվում է նաև ակցիայի կազմակերպիչներից, ընդդիմադիր ճանաչված գործիչ Լյուբով Սոբոլը, որը ձերբակալվել է նախքան բողոքի ակցիայի մեկնարկը:
Սա երրորդ շաբաթն է, ինչ Մոսկվայի քաղաքային դումայի ազատ ընտրությունների պահանջով Ռուսաստանում չարտոնված բողոքի ակցիաներ են անցկացվում:
