Մադրիդի «Ռեալի» կիսապաշտպան Լուկա Մոդրիչը մոտ ժամանակներս կերկարաձգի պայմանագիրն ակումբի հետ:
Marca-ի տեղեկություններով, 33-ամյա ֆուտբոլիստը «Ռեալի» ղեկավարության հետ համաձայնեցրել է նոր պայմանագրի պայմանները, որը նախատեսված կլինի մինչև 2021 թվականի ամառը:
Հստակեցվում է, որ Մոդրիչը հույս ունի պրոֆեսիոնալ կարիերան ավարտել հենց «Ռեալի» կազմում:
Ակումբը ևս դա է ցանկանում:Նոր պայմանագրի ավարտին կիսապաշտպանը կլինի 36 տարեկան:
Մոդրիչը, որը ձմռանը արժանացել է հեղինակավոր «Ոսկե Գնդակ» մրցանակին, 2012 թվականից է հանդես գալիս «Արքայական ակումբում»: Անցած ամառ խորվաթ ֆուտբոլիստի ծառայություններով հետաքրքրված էր «Ինտերը», սակայն մադրիդցիների ղեկավարությունը հրաժարվեց վաճառել նրան:
Ակումբները չկարողացան համաձայնության գալ ֆինանսական հարցերի շուրջ, ու արդյունքում գործարքը չիրականացավ:
Հաղորդում է armsport.am-ը։