Կոնգոյի Դեմոկրատական Հանրապետության արևելքում, Ռուբայա կոլտանի հանքավայրում տեղի ունեցած սողանքի հետևանքով զոհվել է ավելի քան 200 մարդ: Այս մասին հայտնում է Reuters-ը: Ռուբայան արտադրում է աշխարհի կոլտանի մոտ 15 տոկոսը, որը վերամշակվում է և վերածվում ջերմակայուն մետաղի, որն ունի մեծ պահանջարկ բջջային հեռախոսների, համակարգիչների և այլ սարքերի արտադրողների շրջանում:
Հանքավայրում, որտեղ տեղացիները ձեռքով փորում են օրական մի քանի դոլարով, 2024 թվականից ի վեր գործում է AFC/M23 ապստամբ զինված խումբը: Սողանքի զոհերի թվում են հանքագործներ, երեխաներ և կանայք, իսկ որոշ մարդիկ փրկվել են, սակայն ունեն լուրջ վնասվածքներ: Մոտ 20 վիրավոր բուժում է ստանում առողջապահական հաստատություններում: Փլուզումը տեղի է ունեցել հունվարի 28-ին, և այս պահին զոհերի ճշգրիտ թիվը դեռևս պարզ չէ: