Կրեմլի մամուլի ծառայությունը հաղորդել է, որ Ռուսաստանի նախագահ Վլադիմիր Պուտինը հեռախոսազրույց է ունեցել իր թուրք գործընկեր Ռեջեփ Էրդողանի հետ։
Պուտինը հեռախոսազրույցում հաստատել է, որ Մոսկվան կշարունակի Անկարային համակողմանի աջակցություն տրամադրել անտառային հրդեհների մարման գործում:
«Վլադիմիր Պուտինը հաստատեց, որ Ռուսաստանը կշարունակի Թուրքիային ցուցաբերել համակողմանի աջակցություն հրդեհների մարման գործում: Ռեջեփ Էրդողանը ջերմորեն շնորհակալություն հայտնեց ցուցաբերած ծանրակշիռ աջակցության համար: Զրույցի ընթացքում կողմերը մանրամասն քննարկել են նաև ռուս-թուրքական բազմաբնույթ համագործակցության արդիական թեմաները»,- նշված է հաղորդագրության մեջ:
Այս մասին փոխանցում է ՏԱՍՍ գործակալությունը: