Ռուսաստանի և Ադրբեջանի արտգործնախարարներ Սերգեյ Լավրովը և Ջեյհուն Բայրամովը հեռախոսազրույց են ունեցել:
Կողմերը քննարկել են Լեռնային Ղարաբաղի հակամարտության գոտում իրավիճակի կտրուկ սրումը:
Լավրովը լուրջ մտահոգություն է հայտնել շփման գծի երկայնքով շարունակվող գնդակոծությունների կապակցությամբ, ինչը հանգեցրել է մարդկային զոհերի, այդ թվում՝ խաղաղ բնակչության շրջանում: Ռուսական կողմը ընդգծել է շտապ հրադադարի անհրաժեշտությունը: Նշվել է, որ Ռուսաստանը ԵԱՀԿ Մինսկի խմբի մյուս համանախագահների հետ միասին կշարունակի ձեռնարկել միջնորդական ջանքեր` ուղղված իրավիճակի կայունացմանը:
Այս մասին հայտնում է ՌԴ ԱԳՆ մամուլի ծառայությունը: