Տեսանյութեր

Սահմանին ծառայողները պետք է վստահ լինեն, որ իրենց ընտանիքների ֆինանսական կայունությունն առկա է

Զինծառայողների ապահովագրության հիմնադրամի տնօրեն Վարուժան Ավետիքյանն այսօր հիշեցրել է, թե ինչ նպատակ է հետապնդում իր ղեկավարած հիմնադրամը, որը ստեղծվել է 2017 թվականին՝ մահացած և վիրավոր զինծառայողների ընտանիքների ֆինանսական կայունությունն ապահովելու նպատակով։

«ՀՀ յուրաքանչյուր աշխատող քաղաքացի հիմնադրամին վճարել է 1000 դրամ, որը 2 դոլար է: Այդ երկու դոլարների շնորհիվ այս տարիների ընթացքում մենք կուտակել ենք 30 մլրդ դրամ, որն ամբողջությամբ ուղղվելու է այս պատերազմի ընթացքում զոհված կամ հաշմանդամ դարձած զինծառայողների ընտանիքներին՝ ապահովելու համար նրանց կանանց, երեխաների, ծնողների արժանապատիվ կյանքը: Այս պահին չափազանց կարևոր է, որ մեր հայրենակիցները մեզ նվիրաբերություններ կատարեն: Սահմանին ծառայող տղաներն ու աղջիկները պետք է վստահ լինեն, որ իրենց ընտանիքների ֆինանսական կայունությունն առկա է»,- ասել է Վարուժան Ավետիքյանը՝ հավելելով, որ հատուցումներ են տրամադրում նաև անհետ կորածների ընտանիքներին: Մինչև 82 մլն դրամ հատուցման մասին է խոսքը:

Վարուժան Ավետիքյանը վստահեցրել է, որ որևէ լումա նպատակից դուրս չի ծախսվում։

Մանրամասները՝ տեսանյութում։

ՎԵՐՋԻՆ ԼՈւՐԵՐ

ՎԵՐԵՎ