Բողոքի ակցիաներ Սուդանում․ զոհերի թիվն աճում է

Սուդանում իրավիճակը շարունակում է գերլարված մնալ այն բանից հետո, երբ զինվորականները ռազմական հեղաշրջում իրականացրին երկրում ու զավթեցին իշխանությունը։

Հազարավոր սուդանցիներ դուրս են եկել փողոցներ՝ ի պաշտպանություն Սուդանի քաղաքացիական իշխանության և ի դեմ հեղաշրջման։

Այս մասին հայտնում է Reuters-ը։

Նշվում է, որ բողոքի ակցիաների ընթացքում բախումներ են տեղի ունեցել զինվորականների ու ցուցարարների միջև, որի հետևանքով առնվազն 11 մարդ է զոհվել։