Տոկիոյում ավարտին են մոտենում 32-րդ ամառային օլիմպիական խաղերը։
Այսօր առավոտյան մրցագորգ դուրս եկավ 65 կիլոգրամ քաշային ազատոճային ըմբշամարտիկ Վազգեն Թևանյանը։ Նրան բաժին էր հասել շատ բարդ մրցակից՝ աշխարհի գործող չեմպիոն Հաջիմուրադ Ռաշիդովը, ով ներկայացնում է Ռուսաստանը։
Ցավոք, Թևանյանը 0-6 հաշվով պարտվեց Ռաշիդովին ու կսպասի, որ վերջինս դուրս գա եզրափակիչ և ինքը հնարավորություն ստանա սփոփիչ գոտեմարտ անցկացնել ու պայքարել բրոնզե մեդալի համար։
Նշենք, որ մասնակիցները մեկնարկել են 1/8-րդ եզրափակիչ փուլից։
