ՆԱՏՕ-ն փորձարկել է Ցամաքային վերահսկողության օդային համակարգի (AGS) հինգերորդ սերնդի RQ-4D հետախուզական անօդաչու թռչող սարքերը. դրանք վայրէջք են կատարել Սիցիլիայում տեղակայված Սիգոնելլա ռազմաբազայում: Այս մասին տեղեկացնում է Հյուսիսատլանդյան դաշինքի մամուլի ծառայությունը:
Անօդաչու թռչող սարքը, որն արտադրել է Ամերիկյան Northrop Grumman ընկերությունը, նոյեմբերի 20-ին թռչել է Կալիֆոռնիայի Palmdale ավիաբազայից և 22 ժամ անց վայրէջք կատարել Սիցիլիայում:
AGS-ն մշակում է 15 երկրների կողմից՝ Բուլղարիայի, Չեխիայի, Դանիայի, Էստոնիայի, Գերմանիայի, Իտալիայի, Լատվիայի, Լիտվայի, Լյուքսեմբուրգի, Նորվեգիայի, Լեհաստանի, Ռումինիայի, Սլովակիայի, Սլովենիայի և ԱՄՆ-ի մասնակցությամբ:
Ծրագրի արժեքը 1,3 միլիարդ եվրո է: