Թբիլիսիում թմրանյութերի ձեռբերման, պահպանման ու իրացման մեղադրանքով ձերբակալվել է 29 մարդ: Այդ մասին ճեպազրույցում հայտարարել է ՆԳ նախարարի տեղակալ Վլադիմեր Բորցաձեն:
Հետաքննությունը պարզել է, որ Թբիլիսիի Պոնիչալա թաղամասում ձերբակալված կազմակերպված հանցավոր խմբի անդամները նախապես մշակված քրեական սխեմայի համաձայն ղեկավարում էին Վրաստանի ողջ տարածքում թմրամիջոցների տարածումն ու իրացումը:
Նշենք, որ դատարանի որոշմամբ` հետաքննության շրջանում իրավապահ մարմինների ներկայացուցիչները, հետագայում որպես փաստացի ապացույց օգտագործելու նպատակով, գաղտնի վիդեո և աուդիո տեսագրությունների կիրառմամբ ձերբակալված անձանցից ձեռք են բերել տարբեր տեսակի թմրամիջոցներ:
Թմրամիջոցների տարածման մեջ կասկածվող անձանց ավտոմեքենաների խուզարկությամբ հայտնաբերվել է մեծ քանակությամբ «հերոին» տեսակի թմրանյութ:
Ձերբակալված անձանց կողմից կատարված հանցագործությունը նախատեսում է 8-20 տարվա ազատազրկում կամ ցմահ բանտարկություն:
