Azat TV-ի գլխավոր խմբագիր Նարեկ Այվազյանը Facebook-ի իր էջում օգոստոսի 26-ին Հայաստանում ներքաղաքական լարվածություն ստեղծելու հարցին ու նշել, որ թշնամին ուշադիր հետևում է, թե ինչ ներքաղաքական իրավիճակ է ՀՀ-ում։
- Ներքաղաքական ճգնաժամի հաղթահարված լինելը վիճարկողներն արտաքին ճգնաժամի հույս ունեն․ Փաշինյան
- Այսպես որքա՞ն կարելի է հանդուրժել, դիմեք Ֆրանսիային, ԱՄՆ-ին․ Այվազյան
«Թշնամին ուշի-ուշով հետևում է հայաստանյան ներքաղաքական կյանքին և ցանկացած իրարանցման, բախման, խժդժության պարագայում գնում է հերթական սադրանքին, բախմանը կամ լարվածությանը՝ խորացնելով կամ առաջացնելով ներքաղաքական ավելի խորը ընդհարումներ:
Մենք, որպես ժողովուրդ, ինչպե՞ս ենք այս խնդիրը լուծելու: Ունենք մեկ ճանապարհ.
Հայտարարել, որ բոլոր նրանք, առաջին հերթին՝ ԱԺ-ում հայտնված ընդդիմադիրները, ովքեր կգնան սադրանքի՝ վիրավորելով, նվաստացնելով իշխանությանը, ժողովդին կամ նույնիսկ ընդդիմադիրներին՝ կտանեն ներքաղաքական ապակայունացման, որը խոսքի ազատության որոշակի սահմանափակում է ենթադրելու, կընկալվեն որպես իրավիճակի պատասխանատուներ, որոնք օգնում են թշնամուն, և կհռչակվեն որպես պետականության դեմ հանդես եկողներ: Նրանցով պետք է համապատասխան մարմինները զբաղվեն և պատասխանատվության ենթարկեն:
Սադրանքի ենթարկվողները, պետք է զգոն լինեն և նույն կերպ չվարվեն ու ոչ մի դեպքում չգնան բռնության, բացառությամբ՝ ինքնապաշտպանության դեպքերի: Բռնությունը և ատելության խոսքը պարտավոր են բացառել բոլորն իրենց քաղաքական օրակարգերից:
Էլիտաների կողմից միասնական հանդես գալը օդի և ջրի պես անհրաժեշտ է հանրույթին, որն այս իրավիճակներից զզվել և հոգնել է: Ժողովրդին պետք է ներքին կայունություն և հավատ, որ շուտափույթ կլուծվի անվտանգության խնդիրները:
Ավելին՝ կայունացումը կստիպի թշնամիներին չսադրել, միջազգային գործընկերներին կվստահեցնի մեր կամքի մասին, ու նրանք երկրի ապագայի հանդեպ ունեցած հավատով ու ավելի մեծ թափով կսկսեն սատարել և հակամարտությունը կարգավորման տանել:
Տևական համախմբվածությունը կկազդուրի պետական ապարատը, ապարատի գործունեությունը, կառողջանան հանրային ընկալումները, չհասկացվածություններն ու վախերը կհաղթահարվեն, որի արդյունքում Ադրբեջանը հույսը կկտրի Սյունիքի միջանցքից և ՀՀ ինքնիշխան տարածքի վրա որևէ տեսակի ոտնձգություններ իրականացնելուց:
Ուստի, քաղաքական հրամայական է հանրության լայն շերտերի անունից նման պահանջ ձևակերպել և դնել այսօրվա էլիտաների առաջ՝ հիմնվելով ազատության, ժողովրդավարության, համերաշխության ու միասնականության բարձր արժեքների վրա, որպես պետության հիմնախնդիրները լուծելու միակ ճանապարհ», – նշում է Այվազյանը։
