fbpx
ՏՏ
22:30 22/11/2019

Twitter-ում հնարավոր կլինի թաքցնել գրառումների պատասխանները

Միկրոբլոգների Twitter ծառայությունը նոր հնարավորություն է ստեղծում օգտատերերի համար, որով թույլ կտա նրանց թաքցնել իրենց գրառումների պատասխանները։

«Որպեսզի դուք ավելի շատ վերահսկողություն ունենաք զրույցների վրա, մենք թեսթավորել ենք գործառույթ, որը թույլ կտա ձեզ թաքցնել Twitter-ում ձեր հաղորդագրությունների պատասխանները․․․ Այսօր մենք հասանելի ենք դարձնում այն ամբողջ աշխարհի մարդկանց համար»,-նշվում է կայքում հրապարակված հաղորդագրության մեջ։

Ըստ հաղորդագրության՝ այս փոփոխությունները արվել են, որ օգտատերերն իրենց անվտանգ և հարմարավետ զգան Twitter-ում շփումների ժամանակ։

Նոր գործառույթի թեսթավորման ժամանակ ընկերությունը կարողացել է պարզել, որ մարդկանց մեծ մասը թաքցնում է այն պատասխանները, որոնք անտեղի կամ զայրացնողն են իրենց համար։ Բացի դրանից՝ մարդկանց հետաքրքիր է, թե ինչպես այդ գործառույթը կօգտագործեն հայտնի քաղաքական գործիչները կամ լրագրողները։

ՎԵՐՋԻՆ ԼՈւՐԵՐ

Վերեվ