ՀՀ ԱԺ նախագահի տեղակալ Վահե Էնֆիաջյանը հուլիսի 10-ին հանդիպել է Մոսկվայի պետական համալսարանի ուսանողների հետ:
Օրենսդիր մարմնի փոխնախագահը ներկայացրել է խորհրդարանի կառուցվածքը, անդրադարձել կառույցի գործունեությանը, խոսել Սահմանադրական բարեփոխումներից: Խորհրդարանի փոխնախագահը կարևորել է հայ-ռուսական դարավոր բարեկամական հարաբերությունները, հույս հայտնել, որ դրանք կլինեն շարունակական: Վահե Էնֆիաջյանը նշել է, որ ակտիվ համագործակցություն է հաստատված «Բարգավաճ Հայաստան» և «Եդինայա Ռոսիա» կուսակցությունների միջև, որի հետ դեռևս 10-ը տարի առաջ ստորագրվել է հուշագիր:
Խոսելով տարբեր երկրներում գործող հայ համայնքներից, ԱԺ փոխնախագահը նշել է, որ դրանք ձևավորվել են հիմնականում Հայոց ցեղասպանությունից հետո:
Հյուրերը փոխնախագահին տեղեկացրել են, որ տպավորված են Հայաստանի տեսարժան վայրերով, եղել են մասնավորապես Տաթևի վանական համալիրում, Սևանում: Նրանց հիացրել է հատկապես հայկական հյուրընկալությունը:
