«Ռեալի» պաշտպան Ռաֆայել Վարանը ակումբի Twitter-ի էջում հրապարակած տեսանյութում խոսել է ՉԼ 1/8 եզրափակչում «Մանչեսթեր Սիթիի» դեմ կայանալիք պատասխան խաղի սպասելիքների մասին։
«Ամեն օր ուզում ենք հաղթել։ Մենք «Ռեալն» ենք։ Վերջերս խաղեր չենք ունեցել, դրա համար էլ պատրաստվելու ժամանակ ունենք։ Հաղթում է լավագույն թիմը։ Խաղը կսկսենք հաղթելու ցանկությամբ ու անհրաժեշտ վստահությամբ։
Մեզ շատ լավ թիմի դեմ դժվար խաղ է սպասվում»,- նշել է Վարանը։
Ֆուտբոլիստի խոսքով՝ առաջին խաղում «Ռեալն» ու «Մանչեսթեր Սիթին» շատ բարձր որակի ֆուտբոլ ցույց տվեցին։ Արդյունքը դետալները վճռեցին։
Օգոստոսի 7-ին կայանալու է «Մանչեսթեր Սիթի»- «Ռեալ» խաղը Մանչեսթերի «Էթիհադ» մարզադաշտում։ Առաջին խաղում հաղթել են անգլիացիները՝ 2-1:
