fbpx
Հասարակություն

Զարմացնում են այն հայաստանցիները, որոնք Լուկաշենկոյին են պաշտպանում․ Վարդան Հարությունյան

Հասարակական գործիչ, իրավապաշտպան, հրապարակախոս Վարդան Հարությունյանը Facebook-ի իր էջում գրառում է կատարել։ Գրառման մեջ ընդգծել է, որ իրեն զարմացնում են Հայաստանում ապրող այն հայաստանցիները, որոնք ինքնամոռաց նվիրվածությամբ Լուկաշենկոյին են պաշտպանում։

«Ինձ չեն զարմացնում Հայաստանի այն քաղաքացիները, որ Ռոբերտ Քոչարյանին են պաշտպանում։ Լավ են անում։ Այդպես են կարծում/ցանկանում՝ այդպես են անում։ Քոչարյանը Հայաստանում կարող է պաշտպաններ ունենալ։

Ինձ չեն զարմացնում Հայաստանի այն քաղաքացիները, որ Սերժ Սարգսյանին են պաշտպանում։ Ճիշտ է, Սերժ Սարգսյանը որոշել էր, որ իրավունք ունի և կարող է մի ողջ ժողովրդի հիմարացնել և հավերժ մնալ իշխանության ղեկին, ինչի պատճառով էլ մերժվեց, բայց նա էլ կարող է պաշտպաններ ունենալ և՝ ունի։

Ինձ զարմացնում են Հայաստանում ապրող այն հայաստանցիները, որոնք ինքնամոռաց նվիրվածությամբ Լուկաշենկոյին են պաշտպանում։ Աներևակայելի է»,- ասված է գրառման մեջ։

https://www.facebook.com/vardan.harutyunyan.37/posts/3308746019169090

Հիշեցնենք, որ այսօր Բելառուսի նախագահ Ալեքսանդր Լուկաշենկոյին աջակցող հանրահավաքի մասնակիցները սկսել են ցրվել առաջնորդի խոսքից հետո։ Հավաքվածները քայլերթ են կազմակերպել և վանկարկում են․ «Ամոթ քաղաքական մարմնավաճառներին»։

Նշենք, որ Ալեքսանդր Լուկաշենկոն հայտարարել է հավաքվածներին, որ ծնկի է իջել նրանց առջև առաջին անգամ։

ԱՄԵՆԱԴԻՏՎԱԾՆԵՐԸ

ՎԵՐ