Վրաստանի Գործընկերության հիմնադրամը հայտնում է, որ Վրաստանը ՀՀ-ին է նվիրել տեղական արտադրության 4 հազար բարձրորակ բժշկական դիմակներ: Հայաստան ուղարկված դիմակները New Technologie Impex ձեռնարկության արտադրանքն է: Ընկերությունը հիմնադրվել է հիմնադրամի աջակցությամբ:
Ինչպես նշել են կազմակերպությունում, «որպես նշան երկարամյա բարեկամության և համագործակցության», Վրաստանի դեսպանի օգնությամբ դիմակներն ուղարկվել են ՀՀ նախագահին և առողջապահության նախարարին, ինչպես նաև բիզնեսի ներկայացուցիչներին և կառավարական շրջանակների ներկայացուցիչներին:
Աղբյուրի հայտարարությամբ՝ հայկական կողմը շնորհակալություն է հայտնել գործընկերներին օգնության համար:
Հայաստանի պետական շահերի ֆոնդը վրացական արտադրության դիմակները բաժանել է բուժանձնակազմին:
