Նյու Յորքի Մանհեթեն թաղամասում «Ընկերները» հեռուստասերիալին նվիրված թանգարան է բացվել:
Ինչպես հայտնում է Корреспондент-ը, թանգարանում ներկայացված են հայտնի ամերիկյան սերիալի ռեկվիզիտները, որոնք օգտագործվել են նկարահանումների ժամանակ: Ցուցանմուշների թվում են ընկերների բնակարանում տեղ գտած շագանակագույն բազմոցը, Ֆիբիի կիթառը, Ռեյչելի կեղծամները և այլ իրեր:
Թանգարանում նաև ցուցադրվում է հնդկահավը, որը գլխին կրում էր Մոնիկան Գոհաբանության օրվա մասին սերիայում:
Բացի դրանից՝ թանգարանի ցուցասրահները հարմարեցվել են սերիալի բնակարանի և սրճարանի ինտերիերին: Այնտեղ նաև հեռուստասերիալին նվիրված թեմատիկ հուշանվերներ են վաճառում:
