Իսպանիայի հավաքականի գլխավոր մարզիչ Լուիս Էնրիկեն ամփոփել է ԱԱ-2022-ի Ճապոնիայի հետ հանդիպումը (1:2):
«Ոչինչ չի լինում, և հանկարծ հինգ րոպեով մենք ամբողջովին կորցնում ենք վերահսկողությունը. նույնիսկ սկսում ենք խուճապի մատնվել։ Եթե Ճապոնիային անհրաժեշտ լիներ և երկու գոլ խփել, նրանք հաստատ կկարողանային դա անել:
Սա աշխարհի առաջնությունն է, և երբ Ճապոնիայի նման թիմը կորցնելու ոչինչ չունի, տեղի է ունենում այն, ինչ եղավ։
Մենք վերականգնեցինք իրավիճակի վերահսկողությունը, երբ Ճապոնիան որոշեց անցնել պաշտպանական դիրքի՝ ստանալով իր ուզածը: Մենք փորձեցինք անել առավելագույնը, բայց Ճապոնիան դուրս է գալիս առաջին տեղում, և արժանի է դրան:
Ես զայրացած եմ, քանի որ կցանկանայի խմբում զբաղեցնել առաջին տեղը։ Այսօր պետք է նախազգուշացում լինի մեզ համար»,- Էնրիկեի խոսքն է մեջբերել Marca-ն։
