«Մարտի 1»-ի գործով Զաքար Հովհաննիսյանի սպանության մեջ մեղադրվող ՀՀ ոստիկանության զորքերի հրամանատարի նախկին տեղակալ Գեղամ Պետրոսյանը ազատ է արձակվել «Երևան-Կենտրոն» քրեակատարողական հիմնարկից:
Այսօր լրացել է Պետրոսյանի 2-ամսյա կալանքի ժամկետը, որ սահմանվել էր դատարանի կողմից՝ ՀՔԾ քննիչի միջնորդության հիման վրա։ ՀՔԾ-ի կողմից կալանքի ժամկետը երկարացնելու միջնորդություն չի ներկայացվել։
Հիշեցնենք, որ Պետրոսյանին մեղադրանքն առաջադրվել է մարտի 1-ի իրադարձություններից 11 տարի անց։ 70-ամյա Պետրոսյանը 2008 թվականին ոստիկանության զորքերի հրամանատարի տեղակալն էր, և մեղադրվում էր հրազենի գործադրմամբ Զաքար Հովհաննիսյանին սպանելու մեջ։
ԽՈՐՀՈւՐԴ Է ՏՐՎՈւՄ ԿԱՐԴԱԼ
