ԱԺ պատգամավորի ընկերոջը խփած ու սպառնալիքներ հնչեցրած անձը ձերբակալվել է (ՏԵՍԱՆՅՈՒԹ)

ՀՀ ԱԺ պատգամավոր Կարեն Սարուխանյանը դեկտեմբերի 9-ին իր Facebook-ի էջում հրապարակում է կատարել, ըստ որի՝ ժամեր առաջ Գյումրիում երկու հոգի խփել են ընկերոջը և սպառնացել, որ հաջորդը ինքն է լինելու։

Ինչպես հայտնում են ՀՀ ոստիկանության լրատվության և հասարակայնության հետ կապերի վարչությունից, կատարվածի վերաբերյալ ոստիկանության Գյումրի քաղաքի Մուշի բաժնում հաղորդում է ստացվել։ Բաժնի ծառայողները, ձեռնարկելով օպերատիվ-հետախուզական միջոցառումներ, պարզել են միջադեպի մասնակից անձանց ինքնությունը։

«Շեկո» մականվամբ 30-ամյա տղամարդը, որը Գյումրու բնակիչ է, հայտնաբերվել և ժամը 22-ի սահմաններում բերման է ենթարկվել ոստիկանության Գյումրի քաղաքի Մուշի բաժին։ Միջոցառումները շարունակվում են միջադեպի մյուս մասնակցին հայտնաբերելու ուղղությամբ։ Դեպքի առթիվ քրեական գործ է հարուցվել խուլիգանության հատկանիշներով, բերման ենթարկված անձը ձերբակալվել է։

Հանգամանքները քննությամբ պարզվում են։

https://www.facebook.com/karen.sarukhanyan.official.page/posts/2217532658348689?__xts__[0]=68.ARCC6wvzlUNso0F9AoMxSswfMSAwMh2inyBRwHQ6YaRDFifg7qwQfhXAJ0PGQ9gcZ8_bjgjghxAiUqLQdzuPdZJJlYt8-3knRlWNX7Hj1boMb9rcV9eMu5tIc2o5XwtHZkQ58OESjuU-GhWQPdGcr7lrsDVL4s9I7pmx37vSlGxfcOF5pxceh2BDC7rclqcv0b2Xuvj4O3PVuOsBFvZ5V3Ey8Dg5OGyKJ4G1tx0Sb74G4q-O9injXMCcE-WCHOMqfeOZsrdUUuAFqd8DYXipibjlE8tM94OmczGlFhCSKdpqWUWlnJztv5HRsJckmDEd8pOJ–p4JWQGtvS2bo0F5lyz&__tn__=-R