Ի՞նչ կողմնակի ազդեցություններ կարող են թողնել կորոնավիրուսի դեմ պատվաստանյութերը

Երևանի բոլոր պոլիկլինիկաներում այս պահի դրությամբ հասանելի են կորոնավիրուսի դեմ 3 պատվաստանյութ՝ AstraZeneca, Sputnik V և CoronaVac:

Այս մասին հայտնում է Երևանի քաղաքապետարանը։

Երևանի 13 պոլիկլինիկայի տնօրեն Ռուզաննա Դուրգարյանը նշել է, որ բոլոր 3 պատվաստանյութերն էլ կարող են առաջացնել միևնույն կողմնակի ազդեցությունները՝ թեթև ջերմություն, թուլություն, գլխացավ։

Նյարդաբան Արա Հակոբյանն էլ հայնտել է, որ պատվաստանյութերն օտար մարմին են օրգանիզմում, որը պայքարում է իմունիտետի համար, հենց դա է պատվաստանյութի իմաստը։