Կատարի մայրաքաղաք Դոհայում շարունակվում է բարձրակարգ Qatar Masters Open 2024 շախմատի միջազգային մրցաշարը։ Չորս տուրերից հետո հայ շախմատիստները ցուցադրում են բարձր արդյունքներ․ Շանթ Սարգսյանը հավաքել է 3.5 միավոր՝ կիսելով 1-6-րդ տեղերը, Հայկ Մարտիրոսյանը ունի 3 միավոր, Տիգրան Հարությունյանը՝ 2.5, իսկ Մանուէլ Պետրոսյանը՝ 2 միավոր։
Մրցաշարը մեկնարկել է դեկտեմբերի 2-ին և կշարունակվի մինչև դեկտեմբերի 13-ը։ Այն անցկացվում է շվեյցարական համակարգով և ներառում է 9 տուր։ Մասնակիցների թվում են աշխարհի լավագույն գրոսմայստերները, ինչը մրցաշարին հաղորդում է բարձր մրցակցային մակարդակ։
Մրցաշարի ընթացքին և արդյունքներին կարող եք հետևել Chess.com-ի պաշտոնական կայքում՝ հետևյալ հղումով:
Այս մրցաշարը կարևոր հնարավորություն է հայ շախմատիստների համար՝ իրենց վարպետությունը ցուցադրելու և միջազգային շախմատային ասպարեզում Հայաստանի դիրքերը ամրապնդելու համար։
ԽՈՐՀՈւՐԴ Է ՏՐՎՈւՄ ԿԱՐԴԱԼ
