Ամերիկյան General Atomics ընկերությունը Ուկրաինային առաջարկել է գնել երկու MQ-9 Reaper հարվածային և հետախուզական անօդաչու թռչող սարքեր։ Այս մասին գրում է The Wall Street Journal-ը (WSJ):
Նշվում է, որ արտադրողը պատրաստ է անօդաչու սարքեր տրամադրել խորհրդանշական մեկ դոլար գնով։ Սակայն գործարքը նախատեսում է Կիևի կողմից 10 մլն դոլար վճարել անօդաչու սարքերի պատրաստման և փոխադրման համար։ Եվս ութ միլիոն տարեկան պետք է վճարվի դրանց պահպանման համար։
MQ-9 Reaper-ի շուկայական արժեքը կազմում է 30 մլն դոլար՝ առանց հավելյալ սարքավորումների ու զենքի։
