ԱՄՆ պետդեպից Եթովպիայում, մասնավորապես՝ դրա մայրաքաղաք Ադիս Աբեբայում գտնվող ամերիկացիներին կոչ է արել անհապաղ լքել երկիրը, քանի որ կա քաղաքացիական պատերազմի սկսվելու վտանգ։
Բանն այն է, որ Եթովպիայում ձևավորվել է ընդդիմադիր ճակատ, որոնք զինված են և ցանկանում են հասնել իշխանափոխության։ Երկրի իշխանություններն էլ իրենց հերթին Ադիս Աբեբայի բնակիչներին կոչ են արեն պատրաստվել ինքնապաշտպանության։
Այս ամենով պայմանավորված էլ ԱՄՆ-ն նման նախազգուշացում է տվել Եթովպիայում գտնվող իրենց քաղաքացիներին։
Նշվել է, որ կարիք չկա սպասելու տարհանման, ինչպես եղավ Աֆղանստանի մայրաքաղաք Քաբուլում։ Նրանք, ովքեր ամերիկյան անձնագրեր ունեն, կարող են ավիատոմս գնել, կամ էլ դիմել ԱՄՆ դեսպանատուն՝ տոմս ձեռք բերելու համար։
