Էքսեկիել Պալասիոսը ցանկանում է, որ Լիոնել Մեսսին հավերժ խաղա Արգենտինայում:
«Առայժմ եկեք չխոսենք Մեսսիի` կարիերան չշարունակելու մասին: Անհնար է պատկերացնել ազգային հավաքականն առանց Մեսսիի։ Մենք բոլորս ցանկանում ենք, որ նա անմահ լինի և միշտ խաղա մեզ համար:
Մենք չենք ցանկանում, որ Դի Մարիան նույնպես հեռանա։ Նա եզակի խաղացող է, որը պատմական նշանակություն ունի մեր երկրի համար։
Եթե նա ավարտի կարիերան, մենք պետք է առավելագույնս օգտվենք նրա հետ յուրաքանչյուր մարզումից, հավաքից և յուրաքանչյուր հանդիպումից, քանի որ մեզ համար մեծ պատիվ է խաղալ նման որակներով խաղացողի հետ»,- ասել է Լևերկուզենի «Բայերի» և Արգենտինայի հավաքականի կիսապաշտպանը։
