«Ինտեր Մայամիի» հարձակվող Լիոնել Մեսսին ստացել է MLS-ի անցյալ ամսվա լավագույն ֆուտբոլիստի մրցանակը։
Նախորդ ամիս արգենտինացի հարձակվողը մասնակցել է կանոնավոր առաջնության չորս հանդիպման, որոնցում դարձել է վեց գոլի և երեք գոլային փոխանցման հեղինակ։
Հիշեցնենք, որ 36-ամյա ֆուտբոլիստը «Ինտեր Մայամիի» կազմը համալրել է անցած ամառ: Այս ընթացքում նա բոլոր մրցաշարերում մասնակցել է 24 հանդիպման, որոնցում դարձել է 22 գոլի և 11 գոլային փոխանցման հեղինակ։
Ֆուտբոլիստի գործող աշխատանքային պայմանագիրն ամերիկյան ակումբի հետ ուժի մեջ է մինչև 2025 թվականի ավարտը։
