Արա Բաբլոյանի և Արսեն Բաբայանի վերաբերյալ քրեական գործով մեղադրական եզրակացությունը հաստատվել է, և գործն ուղարկվել է դատարան: Այս մասին հայտնել է Դատախազության հանրային կապերի բաժնի պետ Արևիկ Խաչատրյանը:
Ազգային ժողովի նախկին նախագահն ու ԱԺ աշխատակազմի ղեկավարի նախկին տեղակալը մեղադրվում են պաշտոնեական լիազորությունները չարաշահելու և պաշտոնեական կեղծիք կատարելու մեջ:
Փետրվարի 24-ին նրանց մեղադրանքները վերադաս դատախազի ցուցումով փոփոխվեցին, և գործը երրորդ անգամ Հատուկ քննչական ծառայությունից ուղարկվեց Դատախազություն:
Աղբյուրը՝ Armtimes.com